Shillong:Ka ophis treikam ka Khasi Hills Autonomous District Council (KHADC) lem bad ka ophis treikam u Syiem ka Hima Mylliem, myn hynnin ka sngi ki la pynpaw, ba ki kwah ban plie noh katto katne ki dukan ha Iewduh na ka bynta ban ailad iaki nongkhaii bad ki nongthied ban ioh jing myntoi na kane ka bynta.
Na ka liang u CEM ka KHADC u bah Titosstarwell Chyne u la ong ba hadien ba la iohi ia ka jing sdang plie biang ia ki dukan ha ka thain Khyndai Lad, ka sorkar Meghalaya ka dei ruh ban wad ki lad lynti kumno ban sdang plie sa ia katto katne ki dukan hapoh Iewduh.
“Kam don jing mut ban shah plie tang ia ki dukan ha Khyndai Lad, katba ia ki dukan kiba dei ruh ki mar ba hap ha ka thup ki mar ba donkam, ka sorkar ka la dei ban pyrkhat ruh ia ki lad lynti ban plie ia katto katne ki dukan ha Iewduh” la bynrap u bah Titosstarwell Chyne.
Na ka liang u Titosstarwell Chyne u la ong ruh ba ka sorkar ka dei ban shah tang kumba 30 percent ki dukan ban plie, namar ka Iewduh ka dei ka jaka ba khap ngiah bha. U CEM ka KHADC u la ong ruh ba ki dukan ban shah ban plie kin dei tang ki dukan kiba hap ha ka thup ki mar ba donkam kata ki dukan marbam katba iaki dukan ba die ia ki mar ba lah ban ioh shabar ka Iewduh ka sorkar kam pat dei ban shah plie.
Haba dei bad ka jing pyrshah ki ‘Lympung ki Hynriew Shnong’ ban plie ia ka Iewduh, na ka liang u bah Titosstarwell Chyne u la ong ba ka District Council lem bad ka ophis u Syiem ka Hima Mylliem kin hap ban iashong na ka bynta ban iatai halor ki lad lynti ban shah plie noh katto katne ki dukan hapoh Iewduh.
Shwa ban plie ia ka iewduh katno katno percent ruh, dei ban spray um bad thorough cleaning ia ka iew baroh kawei. Namar lah 3bnai ka jingjakhlia bad jingsma kaba shyrkhei. Ym lah tang ban shu ing plie noh kumto. U Syiem Mylliem ryngkat bad ka jingsngewthuh lang bad ka Sorkar kidei ban pyrkhat sani ia ka jinglong jingman ka iewduh shwa ban plie. Lada plie thulmur ioh ioh jingpang sa na ka jingjakhlia iwtung ki nongshongiew bapli. Khublei Nga shu ai jingmut lem