U Arvind Kejriwal, myntri rangbah ka Delhi, u don ka khieshoh bad ka jingtyrkhong ryndang, naduh hynnin ka miet bad un leit ban phah peit ha ki doktor lashai ka sngi, ioh jia ba u don ia ka jingpang khlam covid 19. U Kejriwal, u don mynta ha ka jingshong jah thait ha la iing bad baroh ki prokram jongu, la pynsangeh noh.
Hynnin ka sngi, U Kejriwal, u dang kren sha ki kotkhubor, ha ka por nohsngi, ha kaba ula pynsngew ba ki hospital ha Delhi, kin shim ban ai jingsumar shwa tang ia ki nong Delhi, na ka daw jong kane ka pang khlam coronavirus, katba kito pat ki hospital kiba pyniaid da ka sorkar India, ki lah ban iaid kumba ki ju iaid ban pdiang ia baroh ki nongpang bad ula ong ruh ba kito kiba wan sha ka nongbah Delhi, ki lah ban leit ha ki hospital jong ki riew shimet.
Ki don haduh mynta 28,936 ngut kiba pang bad kiba iap, ki long 812 ngut ha ka nongbah Delhi.
Phi don ban ong eiei?