Shillong: U Dr Issac Syiem, uba dei u doktor ka Civil Hospital Shillong, ula mynsaw, katba u dang pyrshang ban sumar ia uwei u nongpang, uba leit shah sumar ha katei ka Hospital, hynnin ka sngi.
Utei u nongpang, u dei uba kyrteng U Theodore Moallem, u dei uba na USA bad la ialam ia u sha katei ka hospital, namar ba u pang shadem bad ba um lah ban ring bad pynhiar mynsiem, hadien ba u wan phai na Guwahati.
Utei u nongpang, u don ha ka jinglong kaba khie bitar bad ialeh pyrshah ia ki doktor kiba sumar bad um treh ban shah sumar ha katei ka hospital bad ula sdang ruh ban ktah kti ia ki doktor kiba don ha katei ka por bad ula lynthaw ia ki miej ki shuki kiba don ha katei ka kamra.
La leit ban sumar ia utei u nongpang, da U Dr Syiem, hynrei ha ka jing ialeh pyrshah ia utei u nongpang, ula mong na ki shym priah kti jongu bad kumta, un nym lah satia ban sumar briew, na ka bynta katto katne por, haduh ba un da jem katei ka kti kaba mong. Ki doktor ki la ejahar pyrshah ia utei u nongpang ha Laban Police Station, ha ki kyndon jong ka IPC bad ka NDMA.
Phi don ban ong eiei?