Wanlem Langchiang
Kine ki Shnong hapoh ka jylla Meghalaya kum ka Shnong Lejri, Lailong, Lahalein, Huroi East Jaiñtia Hills kiba shah ieh khunswet shisha hapoh ka jylla naduh ba ioh lait luit ka Ri India bad haduh mynta Hadien ba laioh jylla lajong ka Meghalaya ki dang neh hi kumjuh haduh mynta. Ym iohi kita ki kam pynroi Lyngba ka Sorkar, Wat u Surok uba long kum u bud Lum ia kine ki Shnong ruh khlem lah pyndep satia haduh mynta. Na ka daw ka jing iehbeiñ ka sorkar ia kynduh mawsiang ki kmie ki Kpa wat tang ban leit pyndap Skul iaki khun sha Khliehriat, Jowai, Shillong kumta ter ter. Kadei namar Ka jing Trei minot kine ki Shnong wat hapdeng “LOCKDOWN” ki khlem ud khlem iam hakhmat Ka Sorkar haduh mynta. Hynrei ka jing Kylli pat kalong ki Bor District, Ki Nongmihkhmat ki la leh aiu na ka bynta kine kiba Trei minot la ka kam ? Hato kim don jing lehrain shuh Ban Trei kum ki Nongmihkhmat?
Phi tip be em kine ki Shnong ki hap siew bai wai Kali (booking ) haduh Rs 5000 Tyngka tang ban leit wad Skul iaki khun hapdeng u slap uba jur, ka Surok kaba ktien bad ba sniew namar bym don Kali kamai shuh sha kine ki Thain. Wat hapdeng kine ki jingeh kim juh Duh jing Kyrmen namar ki lah Mlen kata ka Rukom Im khlem ki jing iarap naka sorkar.
Ka jing kyrpad iaki bor district, ki Bor ba Dei khmih iaki lynti syngkieng ka jylla ban wan khmih lem ia kine ki Shnong kiba Shem lanot. Haduh mynta Dei tang ki Shipai kiba Ap pahara kiba juh kner ka Kti ka mon Kti ka Diana sha kine ki Shnong. Ka Tnad PWD kaba Dei ka kmie jong ki Surok ka jylla wat tang ban juh kjat ruh imat ki Engineers Kim mon sha kine ki jaka. Na kaei ka daw ? Ne ka don ka jing ioh Nong kaba khraw na ka jing ieh bein ia une u Surok kumne kumba iohi Ha Kane ka Dur ? Kane ka Khubor ka lah poi way haduh iing lieh iing saw Hynrei ki kot ki sla ki shu jah klep shapoh almira.
Phi don ban ong eiei?