Shillong: Ka Hyniewtrep Youth Council (HYC) Mawlai Circle mynta ka janmiet hapoh ka jingialam u General Secretary u samla Bashan Lyngdoh Mawnai bad Vice President u samla Danny Mukhim ryngkat ka jingdon lang ki dkhot ka Shillong City, ki la leit ban khang khyrdep ia artylli ki ophis treikam ka Amazon ha Pynthorumkhrah bad ha Nongrim Hills.
Kane ka jingkhang khyrdep jong ka seng ia kine ki ophis ka long halor ka nongrim ba u Manager katei ka company, u Paresh Sharma u la sdang ban tuh bad knieh noh ia ka pliang ja, jong ki paradoh parasnam jong ka jylla da kaba shim noh halade bad ailad kamai pynban iaki paralok barj ylla jong u. Kane ka jingkhang tala jong ka HYC Mawlai circle kan neh tad haduh ba u Manager ka company un lah ban shimkhia ban thep kam biang ia kitei ki paradoh parasnam ka jylla.
Ka seng ka la maham jur ia baroh ki company bar jylla kiba wan ban seng kam seng kam hapoh ka bri u hyniewtrep ba kidei ban aikam aijam nyngkongeh ia ki briew ki jong ka jylla bad ka seng kala ong ruh ba kan iai buddien ruh nangne shakhmat ia baroh ki kompany kiba thombor bad kiba kyrngah ban aikam ia ki briew ki jong ka jylla khamtam haka kam kaba ki lah ban trei.
Phi don ban ong eiei?