Yn plie noh, ia ka jaka test Covid19 ha Pasteur Institute:Hek

Shillong:U Myntri ba dei peit ia ki tnad ka koit ka khiah, u bah Alexander L Hek myn hynnin ka sngi, u la iathuh ba hapdeng shitaiew ka sorkar jylla kan sa plie noh sa ia kawei ka jaka test ia ka jingpang Covid-19 ha Pasteur Institute kaba don ha Lawmali.

Haba ia kren bad ki lad pathai khubor u la iathuh ba ynda la plie ia kane ka Pasture  Institute ha ka ba lah ban test ia ka khlam Covid-19 ka ba ban test haduh 800 ngut  shisngi.

U bah Hek u la iathuh ba ka jylla mynta ka dang don tang 2 tylli ki jingtest,  kawei ka long ha NEIGRIMHS Hospital bad kawei ha Tura kaba long 550 tylli shisngi,ha kaba ha NEIGRIMHS ka lah ban test mynta ka long  400 tylli shisngi bad ha Tura ka lah ban test 150 tylli shisngi, hynrei yn da la dep ha Pasture institute kan lah ban test 400 tylli,ha kaba ha ka jylla kan lah ban test 950 tylli shisngi.
Ha kaba iadei bad ka jingpang covid-19 u bah Hek u la iathuh ba haduh mynta ka sngi ki sample kiba ladep ban phah test ki long 9820 tylli, kiba long negative ki long 9555 tylli, kiba long positive ki long 33 ngut, iwei la khlad,13 la ioh ia ka jing koit ba pura bad 19 ki ba long positive bad ki result kiba dang ap ki long 232 ngut.