Pynkhuid ka VDP Siatbakon ia ka Wahdiengrot

Shillong:Ka VDP Siatbakon hapoh ka jingialam U Bah Larmin Thabah kum u Vice President VDP Siatbakon kala leit ban pynkhuid ia ka Wahdiengrot ha ka 1tarik Jylliew 2020.

Kane ka jingleit ban pynkhuid ia katei ka wah kadei hadien ka jingud jong ki paitbah ia ka jingjaboh namar ka jingbret pathar ia ki bilor bad ki plastic da ki kali kiba ju rung sha katei ka jaka. Kumta ban wanrah ia ka jingkhuid jong katei ka Wah kaba ki paitbah ki ju pyndonkam ban sum ban sait bad ban dih na ka liang ka Dorbar Shnong Siatbakon ka la mana ia ki kali bad ia kino kino ki briew ba kin pynjakhlia ia katei ka wah bad la mana ruh iaki kali ba nabar Shnong ba kim bit shuh ban rung sha katei ka jaka khlem Da ioh jingbit na U Rangbah Shnong.