Nongpoh:U Samla Lester Nongbet, President ka KSU Umsning Circle, u la shah khot ban pynshai sha ki Pulit ka Umsning Police Outpost.
La khot ia utei u Nongialam ban pynshai sha ki Pulit ka Umsning Police outpost, ka dei katkum ki case kiba u la shah pynngat ha shibun ki case ha Nongpoh Police Station, case no.69(06)2020 U/S 188/177/182/203 IPC.
Haba pyrshang ban wad jingtip na u Bah C. Syrti, Superintendent of Police ka Ri Bhoi, la ong ba ka nongrim kaba ki Pulit ki khot ia utei u Nongialam ka KSU ban pynshai sha ki Pulit, ka dei halor ka jingjia kaba dang shu jia shen ha Shnong Umran, kata hadien ba ki Nongialam bad ki dkhot ka KSU Umsning circle, ki la lap ia ki 16 ngut ki Khar Muslim bad kiba la beh ia kitei ki briew nabar jylla kiba dang ieng ha kawei ka Petrol Pump kaba don ha Umran.
U la ong ruh, ba ki Pulit ki la pan jingpynshai na u, ka dei halor ba ha kitei ki kynta ba ki dkhot ka KSU ki lap ia kitei ki briew, ki dei ki kynta kiba dang hap hapoh ka jingpynjari ia ka Curfew.
Ki police ki kwah ki kwah ban leh checking tang maki balei pat ki wei ki kynhun khamtam ki sengtreimon sngewbha ki dng kwah ban pynshitom ialade,ki briew ka ain kila dei ban tohkit bniah ioh ka don eiei sha lyndet