Sa arngut kiba wan na Uttar Pradesh, ki ioh covid 19

Shillong:Ki don sa arngut kiba wan phai na Uttar Pradesh, kiba ioh jingpang coronavirus ha ka Jylla, ong ka jingthoh U Conrad Sangma, ha ka twitter.

Kitei ki don ha ka jingshah sumar ha West Garo Hills. Kumta baroh kiba ioh pang, ki la poi sha ka 30 ngut bad kiba dang don ha ka jingpang, ki long 16 ngut.

Ha Tripura, ki don 23 ngut kiba dang ioh biang ia ka jingpang covid 19 bad mynta baroh kiba ioh pang, ki la poi sha ka 446 ngut.

U Biplab Kumar Deb, u thoh ha ka twitter jongu, ba 20ngut na kitei ki dei kiba dang shu wan na shabar bad sa 3 ngut kiwei pat ki dei kiba ia kynduh bad kitei kiba la don jingpang.

Hynnin ka sngi, ka Tripura, ka don 102 ngut kiba ioh pang thymmai bad baorh kiba ioh pang, ki la poi sha ka 423 ngut.