KABA KUT JONG KIEI KIEI!

AIS SUJA

“Kaba kut jing kiei kiei” kaba mut ka jingkut (end of climax) jong kiei kiei kiba don hakane ka pyrthei, Bad ngi long kata ka pateng kaba im hajan kaba kut jong kiei kiei kein. Kaba kut noh jong kiei kiei kalong ka por kaba jynjar kein.

U Blei u la dep iathuh ha u Daniel shaphang kiei kiei, shaphang kaba kut kein shaphang kata kaba ong SHIPOR, ki por bad ka SHITENG. Daniel 12:7. U Daniel u ong – Nga la iohsngew hynrei ngam shym sngewthuh: Dei na kata ka daw u Daniel u kylli dakaba ong- ko kynrad jong nga, KAEI KAN LONG KABA KUT JONG KINE KIEI KIEI RUH?, Daniel 12:8. Ki Shipor, ki por, bad ka shiteng ka thew ia ki por ba jynjar tam. Ki por ba jynjar ki long ki sngi kiba ka Jingstad karoi bha ne ka kiew bha, Ia kaba la ong ha ka kitab u Daniel 12:4. Haduh ka por jong kaba kut kein. Bad mynta ngi iohi ba kiei kiei ki long hajan kaba kut. Kiei kiei kiba ka ktien u Blei ka kren, ki jia bad nangiai jia bad nang iai pyndep.

Ia mynta hi, kampat jia kaba kut, hynrei ki long tang I jingsdang barit hashwa ba kata ka jingsdang kaba khraw kan jia. Bun ki bymman kin ym sngewthuh hynrei ki iaileh bymman. Hynrei kiba sngewthuh kin pynkhuid ialade bad sait lieh ialade bad phrang ia ki (hapoh kita ki por jynjar). Daniel 12:10. Kumta kata ka por, KA SHIPOR bad ka SHITENG, ka long ka por ka jingsynshar ba la thoh- Bad naduh ka por ba yn shim noh ia kata ka jingainguh thang kaba borobor, bad ba yn pynieng ia kata ka jingijli kaba pynjot, kan long 1290 sngi. Daniel 12:11. Nangno kamih kane ka 1290 sngi? Dei namar ba u Blei hi u la kren. 1260 sngi ka long 3snem shiteng. Ka Bible Calendar kadon thik 30 sngi shibnai khlem tam khlem duna. Kumta ki 1260 sngi ki long ki 3 snem shiteng (3 ½ snem). 12 bnai = 1 snem. 1 snem=360 sngi x 3 snem =1080 sngi + shiteng snem ne 180 sngi= 1260 sngi.

Kine ki 1260 sngi ne 3 ½ ki long ki snem ba u soitan ( u briew ka pop) man of sin. U synshar ia ka pyrthei naka Temple na Jerusalem. 2Thessoloni 2:4. U Daniel u ong – ka jingainguh thang kaba da ki mrad (sacrifices) hapoh kata ka Temple (Third Temple). Yn pynieng ia ka jingijli, kamut ba uta u briew kapop (man of sin) u soitan u synshar, ka long 1290 sngi.

Kane ka mut, ba hadien kita ki 1260 sngi, kawan ka 30 sngi ka extra time ba u Blei u shah ia u soitan. 1260 sngi+ 30 sngi = 1290 sngi. Daniel 12:11. Kumta ki 1290 sngi, ki long kita ki por kiba jynjar tam, u Daniel u la iathuh shaphang kata da kaba ong – “Bad kan long ka pork aba Jynjar Kat kata ymshem ladon naduh ba la long ka jaid bynriew haduh kata ka Por”. Daniel 12:1. Ym tang u Daniel, hynrei u Jisu ruh u pynkynmaw ha ngi ia kaei kaba u Daniel u la ia thuh lypa. U Jisu u ong kumne – “Namar kata ynda phin iohi iakata ka jing ijli ba pynduh ba la ong shaphang jong ka da u Daniel Nongiathuhlypa – BA KA DA IENG HA KA JA KA BA KHUID (third Temple in Jerusalem). Mathaios 24:5.

U Jisu u hap ban pynkynmaw ia kane ka bynta dei namar ba ki synran jong u ki kylli kumba kylli u Daniel hi. Ki kylli ki ong – lano kine kiei kiei ruh kin long? Kaba kum kano ka dak ka jingwan jongme? Bad kaba wai noh kane ka Pyrthei ? Mathaios 24:3. U Jisu ruh u pynkynmaw ia kane ka juh ka jingong u Daniel u ong- “Naba hangta kanlong ka kordit bah kaba ympat ju long naduh myndanglong ka pyrthei, haduh mynta em, lymne kan ym long shuh ruh. Mathaios 24:21. Kaba kut jong kiei kiei kalajan kat kum ki dak ka por. Kidak ka por ki long ki thma, ki nemsniew, jingiapthem, jingkynniuh jumai kylleng kylleng. Kine ki long TANG KI JINGSDANG ki JINGJYNJAR. Kaba kut kam pat jia. Mathaios 24:6-8.

Mynta ka long ka jingsdang jong kita kip or kiba sha khmat ia kiba ka ktien u Blei ka ong – ka bympat julong na myn danglong ka pyrthei. Mathaios 24:21.

Kaba donkam ka long ban duwai ban ithuh ia kaba kum kata ka por khnang ba ngim lah ban pynkhreh la ka jingim, kaba sngewsih kalong ba katien u Blei ka ong – Ba ki bymman kin iaileh bymman ban nymdon na ki bymman uban sngewthuh; hynrei kiba stad kin sngewthuh Daniel 12:10 . Amen.