Babu Kular Khongjirem
Kat kum ka Meghalaya Services(Conduct) Rules,2019, ngi iohi ba la khang pyrshah ia ki nongtrei sorkar ba kin don bynta ha ki kam paidbah(politics) bad ha kino kino ki seng bhalang ba pyniaid ia ki sports lym da ki shim jingbit shwa na ka sorkar.
Wat ia kiba ha iing ha sem jong ki ruh,ki nongtrei sorkar ki dei ban da pynsngewthuh lem ba kim dei ban ia don bynta ha ka kam politic.Ha ka jingshisha,wat ka lok/u lok trai ruh ka eh bha ban pynngeit(convince) ha ka politic..Kim lah ruh ban long trai ia kino kino ki lad pathai khubor,kim lah ban pynmih kot,kim lah ban kren sha ki lad pathai khubor bad wat ban thung kam lane pynshkem ia ka kam kiba ha ing jong ki ruh kim lah ha kano kano ka kompeni ba ki trei.
Hynrei,kaba kham shyrkhei bad kham triem eh ka long ba kim dei ban ioh lok biang shawei pat katba ka lok trai ka dang don.(Tip kane ka khang tang ia ki nongtrei sorkar shynrang ne ia ki kynthei ruh). . Don bun bah ki mat kiba lah ban ia pyni lem ia katei ka ain ne ka Rule ba thaw da ki nongsynshar briew(human made administrators) kaba la shah teh ia ki nongtrei sorkar(goverment servants) bapli.
Lyngba katei ka Rules, ki nongtrei sorkar ki la duh lut khoit ia ka Hok longbriew man briew(Human Rights),ka Hok tyn trai(Fundamental Rights) kum ki nong India katkum ba la pyn khamti(guranteed) da ka Indian Constitution bad ka Democracy ha ki nongtrei sorkar kam don jingmut shuh shisien ba la long ki nongtrei sorkar.Kaba kham shyrkhei eh na baroh kalong ba ki nongtrei sorkar ki duh lut ym tang ia ka Hok long briew hynrei khamtam eh ia ka Hok long Blei(Natural Rights/ natural social justice) katba ki dang trei kum ki nongtrei sorkar(58/60 snem).Ka hok ba laitluid ban kren bad pynpaw (freedom of speech and expression) ban batai bad pyni lem ia ki mat(issues) sha kiwei kum ki briew kiba kham nang kham stad bad kham tip kiba ju ktah ia ka ri bad ka jaitbynriew ka la pulom bad bejai ei hakhmat ki nongtrei sorkar.
Nangne sha khmat, ka ri bad ka jait bynriew jongngi kan ym don shuh ki nongthoh kot kiba stad,kiba khraw bad ba proh jabieng bad kiba shemphang ban iathuh ne batai lypa ia ka ri bad ka jait bynriew lyngba ki kot bad jingthoh jong ki kum ki jong u Soso Tham,Fr. H Elias,bad kiwei.Khlem ki riew stad bad riew shemphang ka eh ban thoh ha khmat ka pyrthei stad mynta.La shu ieh ban thoh ne batai stad sa tang ha ki lun,ki biej kiban ia batai stad ia ka ri bad ka jaitbynriew la kum ki matlah Hindustan hyndai. Nangne shakhmat,ki bym nang thoh nang pule(illiterate) bad ki heh spah heh phew(crorepaties) kin kylla long ki nongshynshar pyrthei(politician/MP/MLA/MDC/ministers)ban ioh pyniaid(control)ia kiba kham nang kham tip ha ki kam sain hima sima baroh.Ka jingsynshar kan nang sniew bad ka jingbam sap(curruption) lei ka nang jur bad nong shyrkhei shuh shuh namar la set kak khnang ia ka shyntur bad ka jabieng kiba stad. Ka jingkhang ia ki nongtrei sorkar ban ioh lok biang katba dang don u lok ruh kaba sngew ma shibun.Don bun u/ka briew ki bym ia hap bad u/ka lok hynrei ki ioh biang shawei kam pher kata shisien ba lah ia pyllait san shyieng hok.
Lada don khun,ka sorkar ka don hok ban khate bai bam na ka tulop jong u/ka lok ban ai sha uta /kata ka khun haduh 18 snem shaneng.Lada shah leh bein u shynrang ha ka lok pat,don Rule ne em pyrshah ia ka lok ba leh bein ia u lok?Lada kam don,kata ka rule ka shah shiliang(disrimination) halor ka nongrim jinglong shynrang-kynthei(on basis of sex) .Imat ia ka ain ba buh u Blei ruh la kham palat ka ain ba thaw u briew.Dei kane kein ba u briew u la mushlia palat mynta pyrshah ia ki ain ba buh u Blei(natural laws) ba sa mih ki jingjia ba triem kum ka khlam covid-19 mynta kaba pyn jynjar bad pyn kordit hibkhait ia u khun bynriew hynrei lada ngim kyndit bynriew noh,ki dak ki shin jong ka jingpynshitom u Blei ia u khun bynriew ki dang bun bad kiba kham shyrkhei shuh shuh nangne sha khmat.
Kane te ka lah dei tang ka buit pohjait jongka sorkar aiu re ka ban ioh synshar shisien ha ka history jong ka jylla.hato kan ktah mo iaka kam sorkar baki trei lada ki iashim bynta (involve) ha ki kiwei pat ki kam ne ka pynthud iano re u riewshim kabu haduh ban pynmieh kum kane ka aiń iakjakor.lada long kaba lah sngewbha review biang iaka ne namar kabym lah ban pdiang da lei2.