Sangeh iakhih ka MIPRL

Shillong, 28 Nailur:
Ka seng Movement for Indigenous Peoples’ Rights and Livelihood – Meghalaya (MIPRL), ka la rai ban sangeh noh ia ka jing iakhih jongka, da kaba sangeh kamai jong ki trok, kaba sdang naduh ka 27tarik Nailur 2014, ha kaba katei ka seng, ka aid aw, ba kam dei shuh ka jingiakhih, kaba khlem ka jing ia um snam. Ka seng, ka pynpaw ia ka jingsngewkhia jongu, halor ka jingduh ei ia ki mynsiem ba kordor bad ka jingmynsaw ia 8ngut kiwei pat. Kumjuh, namar ka jingwan jong ka aiom lehkmen Puja, kumta ka MIPRL, kam kwah satia ban pynthut ia katei ka aiom lehkmen. Ka MIPRL, kam kyrshan ruh ia kano kano ka jingkhot pakhang shnong bad ka khot ia ki nongkyrshan jongka, ban nym ia treilang bad katei ka pakhang shnong. Halor ka jingkhang tih dewiong, la iathuh ba ka seng, kan iaid shakhmat, haduh ban da poi sha ka jingthmu kaba pynmyntoi ia ki trai dewiong, ong ka Seng.