1 & 2 Risaw, khot pakhang shnong ka HNLC

Shillong,26 Nailur:
Ka Hynniewtrep National Liberation Council (HNLC) ka la khot ia ka pakhang shnong ba 24 kynta ka ban sdang naduh ka 6 baje janmiet jong ka 1 tarik u risaw haduh ka 6 baje janmiet jong ka 2 tarik u Risaw.
Ka HNLC ka la khot ia katei ka pakhang shnong kum ka dak ka jingpyrshah ia ka jingshah siat iap ki mynsiem ba lui lui ha ki pulit kaba la jia ha East
Jaintia Hills, ka jing shah pyniap u samla pule uba leit ban pule Doktor ha ka jylla Karnataka bad ka la khot ruh ia katei ka pakhang shnong kum ka jingpyrshah ia ka sngi rakhe ia ka jingbym ia um snam, kaba dei ruh ka sngi kha u Mahatma Gandhi.
Ha ka kyrwoh ba la pyllait paidbah da u bah Sainkupar Nongtraw Publicity Secretary katei ka seng u la ong ba ka lai lak ba ka sorkar ka la pynbna ban ai sha ki bahaing hasem kiba la iap bad kiba la mynsaw kam kordor hynrei kaba kongsan eh ka dei ban kem ia ki pulit kiba donkti ban siatiap ia kitei ki briew bad ban set phatok shi junom.
Ha kaba ia dei pat bad ka sngi rakhe ia ka sngi u Mahatma Gandi ka HNLC ka la ong, ba u Gandhi u dei uwei na ki nongsylla ban pyniasoh jubor da ki ktang suloi ia ka bri u Hynñiewtrep sha ka Ri Hindustan lyngba kata ka dulir ba lah tip kum ka instrument of Accession 1948.