Shillong:Myn hynnin ka sngi ka kynhun ki nong niah trok kit Umphniang, kaba la tip kum ka Hynniewtrep Petroleum Workers Union ha ka jing ialam da u president u bah Allistar Dieng doh, ki la leit ban ia kynduh ia u symbud myntri rangbah u bah Prestone Tynsong ban dawa na ka sorkar ban pynbeit halor ka jing shah khang ki nongniah trok kit Umphniang ban rung sha ki shnong, hadien ba la wan kit Umphniang na jylla Assam.
U bah Allistar Diengdoh, u la iathuh ba ka seng ka la ioh jing tip ba ki draibar kit Umphniang kiba don palat 100 ngut ha kylleng ka rilum Khasi bad Jaintia ki la shah khang bad ki dorbar shnong ban rung sha ki shnong jong ki hadien ba ki la wan kit Umphniang napoh Assam.
“Kane ka jing shah khang ha ki dorbar shnong ban rung shapoh ka shnong jong ki ka pynlong ia ki draibar ban shu thiah hapoh trok, surok ne ha ki jaka katba ki lap, bad kane ka pynsngew sih bha ia ki bad iaka seng kumjuh” la bynrap u bah Allistar Diengdoh.
Na ka liang ka seng ka dawa na u symbud myntri rangbah, ka jylla ban kyntu ia ki dorbar shnong ban shah ia ki draibar ban rung sha ki shnong jong ki, lym kumta ka seng kan sangeh shi syndon ban leit kit Umphniang napoh Assam.
“Baroh ki tip ba ki Kali kit Umphniang ruh ki hap ha ka thup ki mar ba donkam bad katkum ki kyndon ka tnat ka koit ka khiah baroh ki draibar bad ki nong bud Kali, ki la dep phah eksamin hynrei ki dorbar shnong pat kim burom ia ka jing trei shitom ki draibar ban leit kit Umphniang na ka bynta ka jing donkam ki paidbah hapoh ka jylla” la ban biang u bah Allistar Diengdoh.
Nga te ngam sngew iahap phi bah ba phin leh kumta namar nga ruh nga kit marbam hi te, nga kohnguh iaka dorbar shnong namar nga sngewthuh ialade ruh ngam tip la nga don ne ngam don jingpang hynrei hadien ba nga lah rai ban leit shnong ruh nga lah pyndep ia ka quarantine ba lah buh da ka sorkar, bad phi ruh phim dei ban sngewthuh bakla namar haba phi wan na Assam wat lada phim don jingpang ruh hynrei ban iashngaiñ lang te bha hi ban kohnguh lang namar ym dei tang iaphi ki leh kumta hynrei ia baroh lang hi ki leh kumjuh,
SNGEWBHA DA IA PYRKHAT LEM SEH NAKA BYNTA KA BHA KA MIAT BAD BAN SHNGAIÑ KI NONGSHONG SHNONG LAJONG,
Lada nga bakla ruh sngewbha ban iamap lem namar nga kren katkum ka jingsngewthuh jongnga