Khliehriat:Ki ar tylli ki seng bhalang kata ka Jaintia Youth Federation, East Jaintia District Unit (JYF-EJHDU )ryngkat bad ka Southern Border Youth Welfare Association (SBYWA),East Jaintia Hills District, ki la dawa na ka tnad sam bording ka don ha Khliehriat Distribution Division na ka bynta ban leh online hapoh ka District, namar katkum ka jinglap jongki haba ka Khliehriat Division kam shym la paw kyrteng ha ka website Megha Power na ka bynta ban siew bai bording lyngba ka online, haba ha kine ki sngi ki paidbah nongshongshnong kiba bun hi ki la pyndonkam beit da ki smartphone, ban leh da ka online kumba paw kyrteng ha kiwei ki sor kum ka Jowai, Shillong,Nongpoh.
Kumta kine ki artylli ki seng, ki la kyntu ia ka sorkar lyngba ka tnad sam light jong ka Moowakhu, Khliehriat Distribution Division ban iakren bad ki heh jong ka Meghalaya Energy Corporation Limited bad ka Sorkar halor kane ka mat dawa, la pynkut u Bah J. Pala , President JYF-EJHDU.
Phi don ban ong eiei?