Ka synshar U Lat, kwah U Tennydard

Shillong, 24 Nailur:
U Tennydard M Marak, mynta ka sngi, ula thoh sha U President ka Ri, U Shri Pranab Mukherjee, ha kaba ula phah ia katei ka shithi lyngba U Lat ka Jylla, ha kaba ula dawa ia ka synshar President ha ka Jylla.
U Marak, ha katei ka jingujor jongu, ula pynsngew ruh ba ia u briew, u bym dei u scheduled tribe, ula ioh ia katei ka kyrdan scheduled tribe bad ula ong shuh shuh, ba ym don mano mano ba pynlong ia ka jingtohkit, halor katei ka jingdawa ban pynshai ia ka jinglong scheduled tribe jong U Mukul M Sangma, namar ba u dei u myntri rangbah jong ka Jylla. La ong shuh shuh, ba U Mukul Sangma, ula jop elekshon, la san sien kynthih, na ka Constituency, kaba dei na ka Constituency, kaba la mang kyrpang ia ki scheduled tribe.