Ha ka jing ia mai shi tnga, u tnga uba 34 snem ka rta, u don ha ka jing mynsaw kaba jur, haba ula siat ialade na ka shkor.
Ym tang katta, u kuli, uba khlain bor, ula pei lyngba na ka shkor jong utei u briew bad ula leit dei sa ia ka tnga jongu, kaba dang ar met hynniew bnai bad kaba shong hajan jongu hi bad utei u kuli, u leit dei na ryndang jongka ruh. La iathuh ba u tnga te ula mynsaw jur bad ka tnga, kam da shitom eh.
Kitei ki arngut, ki don ha ka jingshah sumar mynta ha Safdarjung hospital ha Delhi bad kitei ki shong iing marwei ha Rampura, kaba ha Gurugram.
Katei ka jingjia, ka dei ha ka janmiet jong ka sngi thohdieng, ha kaba u lok, u leit ialam ia ka lok ban leit pyni doktor bad kitei ki don ha kajuh ka kali, hynrei ha lynti, ka la mih ka jing iamai, namar ba ka lok ka kynnoh ba utei u tnga jongka, u dei u bym donkam donjam.
Mar kumta, ula khie bitar bad ula siat ialade na shkor bad utei u kuli, ula her stet bad leit dei sa na ryndang jong ka tnga jongu, kaba shong mar syndah ha katei kajuh ka kali, ong ka khubor jong ka Hindustan Times.
La iathuh da ki pulit, ba utei u tnga, u pyndonkam da ka pistol 7.62 mm.
La iathuh ba utei u briew, u la iehnoh ia ka tnga ba nyngkong jongu ha u snem 2017 bad ula leit sha Mathura ban plie dukan bad hangta, u iakynduh ia ka tnga kaba ar, ha kaba ki ia poi kha ha u snem 2019.
Phi don ban ong eiei?