Shillong:Ka jing pyntip ka District Administration jong ka jylla Assam mynta ka sngi ia ka jingioh Covid -19 ia ki 6 ngut ki shipai CRPF kiba sah ha CRPF Camp kaba don ha 9 mile, Assam ka la buh ia ka jing ma ia ka briew ka jylla Meghalaya kiba sah ha 9 Mile Baridua,Ribhoi District, namar ba kane ka CRPF Camp ka don mar shiliang surok bad ka shnong Baridua Ribhoi District ka ba don ha jylla Meghalaya.
La iathuh ruh ba ki shipai kiba sah ha ka ne ka CRPF Camp ki ju wan siew jingsiew na ki dukan ki ba don ha 9 mile Baridua man la ka sngi, namar haduh mynta ym pat tip ba ki shipai CRPF ki ba la ioh ia ka jingpang Covid -19 ki la iarung iamih ha kane ka iew ki ba don ha jylla Meghalaya.
Mynta ka sngi ki bor District jong ka jylla Assam ki la pynbna “Containment Zone” ia ka CRPF Camp ka ba don ha 9 mile, Assam bad kane ka long hadien ba la test positive ia ki 6 ngut ki shipai CRPF, ki ba sah hapoh kane ka Camp ka ba don marshiliang surok bad ka jylla Meghalaya.
La iathuh ba haduh mynta 92 ngut ki shipai CRPF, ki la don hapdeng ka quarantine ha kane ka jaka sah jong ki katba ia ki briew kiba iajan bad kine ki 6 ngut ki ba don ia ka jingpang Covid-19 la phah noh ia ki ha Guwahati Medical College Hospital, hapoh ka jing peit ki medical staff ban leh ia ka quarantine.
Phi don ban ong eiei?