Shillong: U symbud myntri rang bah ka jylla u bah Prestone Tynsong mynta ka sngi u la iathuh ba na ka liang ka sorkar jylla kan ym pat shah ban plie ia ki jaka mane Blei ha ka jylla baroh kawei, namar ba na ka liang jong ka Ministry of Home Affair jong ka sorkar pdeng kam pat ai jingbit ban plie noh ia ki jaka mane Blei ha ka Ri baroh kawei.
Ha kaba iadei bad ka jingplie noh ia ki dukan ha iewduh bad ha khyndailad ka sorkar jylla ka la aiti ha Chief Secretary bad ka Deputy Commissioner ka East khasi Hills District ba kin peit la ka jingplie ia kine ki dukan kan ktah ne em ia ka koit ka khia jong ki ba bun balang. U la iathuh ruh ba hadien ba na ka liang ka Deputy Commissioner bad u Chief Secretary kin ai ia ka kaiphot halor kane ka bynta yn sa lah ban rai ban plie noh ia ki dukan ha Iewduh bad Khyndai lad.
Phi don ban ong eiei?