Julor kawei ka ing, na ka jingshah rat ha Mawiong

Shillong: Ka jing hap jong u slap naduh ka 20 tarik u jymmang 2020, ka la wan rah ia ka jingjulor, bad ka jingshlei um ha ki ba bun ki bynta jong ka sor Shillong.

Hynnin ka sngi kawei ka ing kaba don ha Mawlai Mawiong Umjapung ka la shah pynjulor lut hadien ba ka khyndew ka la twa bad rat ia kane ka ing.

Kane ka ing kaba la pra na ka jingtwa ka khyndew,ka dei jong ka Kong Wanda Lyngdoh, kane ka ing ka dei ka ba ki la ai wai ha ki 5 ngut ki briew.
Hynrei donbok, ba da ka jing husiar jong ka trai ing kam shem la don kano kano ka jingjia ba sngewsih, namar ba shuwa ba kan twa kane ka khyndew ka  trai  jong kane ka ing ki la bthah ia ki nongshong wai ba kin mih shuwa shabar.