U DON U BLEI

Carmel Fedrick Malngiang
Wahkaliar, Sohra

1. Ka khlam ka ngoh ïa pyrthei ka shoh,
   Bynriew u sah lyngngoh;
   Kumjuh jingïapthem ba sngew ngiew,
   Ka wan lynshop ï’u briew.
2. Bynriew ki kyiuh ki sngew sheptieng,
   Ki sngew ngiew ki sngew phieng;
   Ban sngap khubor ba sngew kynsha,
   Shaphang khlam corona!
3. Ki jing-ïambriew ba sngew pang-nud,
   Katno ka pait dohnud;
   Jingim kordor la shim jyndat,
   Ngim lah khlem jaw ummat.
4. Lynti syngkien, ki ïew ki hat,
   Jaka ba ïaid pyngngad;
   Kumjuh ki them, ki lum ki wah,
   Katno ki i-kynjah.
5. Ki stad ki jhad,kynrem lyndan,
   Kumjuh ki riew-madan;
   Ki dum ka buit ki dum ka stad,
   Da kumno yn pynkhiah?
6. Hajar ki mynsiem ba kordor,
   Jingpang ka bthat jubor!
   Dawai dashin jingstad pyrthei,
   Ban pynkoit shem jingeh!
7. Ka spah ka phew, ki jingsngewbha,
   Ki shu long dewthala!
   Jingsuk mynsiem, ka koit ka khiah,
   Kim lah ban ai satia.
8. Ha pang ha jhia, ha khim ha khait,
   Ngi wad ïa jingjahthait;
   Watla ngi don ka spah kyrhai,
   Jingtngen kim lah ban ai.
9. Ko lok ko jor, hynmen para,
   Para kur para kha!
   Hapdeng jingeh ba sngew shyrkhei,
   To tip u don U Blei!
10. To nguh to dem bad to duwai,
    Jingt ha phi un ai;
    Watla phi sngew b’la kut ki lad,
    H’u Blei dang don ka lad. Khublei shihajar nguh