Ym dei ban khang ia ki nongrep ba kin leit sha ki lyngkha, ong U DC West

Shillong:U Deputy Commissioner, jong ka West Khasi Hills District, myn hynnin ka sngi, u la phah ka jingbthah sha ki  bor pyniaid shnong ka West khasi Hills District ban ym khang ia ki nongshong ki ba dei ki nongrep ba kin leit sha la ki lyngkha.

Kane ka long hadien ba na ka liang u Deputy Commissioner u la ioh ia ka jingujor  ba ki don ki shnong ki bym shah ia ki nongrep ba kin leit sha ki lyngkha ki risai jong ki jong ki khlem ka jingthoh na kane ka ophis.

Ha kaba ia dei bad kane, kumba ka sorkar Iyngba ka Shithi No. AGRI (G) 52 /2015/Pt-1/9, ha ka 24 tarik u Iaiong 2020 ka la shah ia ki nongrep ba kin sdang noh ia ki kam rep kam riang hapoh ka jylla.
Na ka liang u DC ka West khasi Hills District u la bthah ia ki  bor shnong ba kin nym khang ne pynthut ia ki nongrep ba kin leit trei leit ktah sha ki lyngkha.
Kumjuh ruh bym bit ban khang ia ki ba kin ia leit ia wan na ki dong, ki shnong bapher bapher.
U DC ka WKHD u la bthah ruh ia ki nongrep ba ki dei ban bud pyrkhing ia  ki kyndon ba la buh da ka Sorkar kum ka jingia-jngai uwei na uwei, ki dei ruh ban sait barabor ia la ki kti bad phong ia ki jingda khmut/shyntur (mask) bad ban nym ialum  kyllum ha kajuh ka jaka.