Pynieng jaka iarap ki Pulit ka Ri Bhoi hajan ka Station Rel ha Assam

Nongpoh: Ki Bor Pulit ha Ri Bhoi lyngba ka Meghalaya Police, ki la leit ban pynieng ia ka Facilitation Centre hajan jong ka Steshon Rel ha Assam, khnang ba ki ioh ia ka lad ban ai jingiarap ia ki briew napoh ka jylla Meghalaya, kiba wanphai na kiwei pat ki jylla kiba don ha ka Ri.

  Ia katei ka Facilitation Centre, la leit ban pynieng hynnin ka sngi, ha kaba ka jingthmu hi ka long ban ai ia ka jingshakri kaba janai tam ia kito ki samla pule bad ki samla ban wanphai na kiwei pat ki jylla, khnang ba kin lait na ki jingjynjar ha ka por ba ki poi ha ka jylla Assam.  

Lyngba katei ka Facilitation Centre jong ki Pulit, kan long ka jingiarap kaba khraw tam ia kito kiba wanphai na kiwei pat ki jylla, namar lada ki donkam ban ioh ia kino kino ki jingiarap, ki lah ban leit pyntip ialade sha katei ka Centre jong ki Pulit na Meghalaya.