Ther jur u slap ha Shillong, Sohra naduh hynnin ka sngi

Shillong: Ka Ri Khasi Jaintia, ka don ha ka jingther slap kaba jur naduh hynnin ka sngi bad ka tnat peit mariang jong ka sorkar India, lane ka Meteorological Department, ka ai jingkhein ba hynnin ka sngi, naduh ka por 8.30 mynstep haduh ka por 8.30 mynmiet, ka jinghap slap ha Shillong, ka long 86.4mm, katba mynta ka sngi, naduh ka por 8.30 mynstep haduh ka por 5.30 janmiet, ka jinghap slap, ka long 70.8mm.

Ha Sohra, hynnin ka sngi, ka jinghap slap, ka long 94.2mm, katba mynta ka sngi, ka long 162.6mm bad ha Umiam, hynnin ka sngi, ka long 51.6mm bad mynta ka sngi, ka long 65.4mm.

Ka tnat peit mariang, ka maham ba lashai ka sngi, kan don ka jinghap slap kaba jur ha ka Jylla hi baroh kawei, katba kan don ka jinghap slap kaba jur shi katdei,sha ki bynta ba sha sepngi jong ka Jylla.