Tyrwa ki ing mane ha Mizoram ban ai jaka na ka bynta ban leh ‘Quarantine’

Aizawl:Ki ing mane kiba don kumba 100 tylli hapoh Mizoram, naki balang ba pher ka jylla ki la tyrwa sha ka sorkar ban ai iaki kamra naka bynta ban pyndon kam kum ki ‘Quarantine center’ iaki samla ba wanphai na kiwei pat ki jylla ka ri India.

La ioh jingtip baki don baroh haduh 101 ki balang kiba kynthup iaka Presbyterian bad ka balang Baptist kiba la thoh sha ka sorkar Mizoram naka bynta ban pynbiang ia ki kamra lane ki ‘Hall’ ing mane kum shi bynta ban pynkylla ia ki kum ki ‘Quarantine center’ hapoh ka jylla. Na ki101 tylli ki ing mane, 75 tylli ki dei jong ka balang Presbyterian, 15 tylli Jong ka balang Baptist, 6 tylli naka Salvation bad 5 tylli kidei naka balang Baptist Church of Mizoram na Lunglei.
Nalor ki ing mane dang shen ka balang Presbyterian kala noh synniang ia ka ‘conference hall’ bad ka ‘revival camping centre’ naka bynta ban pynkylla kum ki ‘quarantine center’ hapoh ka jylla.
Naka liang ka balang Katholik ruh kan sa ia shong jing ialang naka bynta ban Iarap lem iaka sorkar Mizoram ban pynioh bun ki kamra naka bynta ban leh ‘quanrantine’ iaki samla ba wanphai na kiwei pat ki jylla ka ri India.
Kumban shu pynkynmaw, ka sorkar naduh ki por ba dang sdang khie ka jing pang ‘corona virus’ hapoh ka jylla, kala kyntu ia baroh ki nong ialam niam ban ai jing kyrshan iaka sorkar ban iakhun pyrshah ka jing pang hapoh ka jylla. Haduh mynta ka jylla Mizoram kadon kumba 182 tylli ki jaka ban leh ‘quanrantine’ kiba lah ban ai jaka sah ia kumba 4,172 ngut.