Ym pat ioh jubab, na ka tnad Rel, ban wan buh ia nongshong shnong kiba sahkut ha ki jylla bapher

Shillong: U Symbud myntri rang bah ka jylla, u bah Prestone Tynsong, u la iathuh ba ka rel ka ban wan buh ia ki nongshong shnong ki ba sah kut ha Bangalore kan poi ha Guwahati Railway station ha ka 20 tarik u Jymmang 2020.

Kane ka rel kan wan buh ia ki 1250 ngut ki briew. Ha ka ba iadei bad ka jing wan buh ia ki nong shong shnong ki ba sah kut ha ka West Bengal, Maharashtra, Telengana, Kerala, Uttar Pradesh, Delhi, Rajashthan, Andhra Pradesh, Uttarakhand, Punjab, Bihar, Harayana, Goa, Pondichery, Madhya Pradesh bad Jharkhand; na ka liang ka sorkar jylla kam pat ioh ia kano kano ka jubab na ka tnad rel halor kane ka bynta. La iathuh ba haduh mynta tang 3 tylli ki jylla, ka Tamilnadu, ka Gujarat bad ka Bangalore kiba la shah ia ki rel ba kyrpang ban wan buh ia ki nongshong shnong kiba kwah ban wan phai noh sha ka jylla.