Sa lai ngut, kiba ioh pang covid-19 ha Manipur

Imphal: Ki don sa lai ngut kiba ioh pang COVID-19, ha Manipur haduh hynnin ka sngi.

Haduh mynta, ki don 7ngut kiba ioh ia katei ka jingpang, ba kynthup ia kito ki arngut kiba la ioh nyngkong ia katei ka jingpang ha katei ka Jylla, katba kiba dang don ha ka jingpang, ki long 5ngut haduh mynta.

Kawei na kiba pang, ka dei kaba dang shu wan phai na Kolkata, kaba trei nos bad katei ka don ha Jawaharlal Nehru Institute of Medical Sciences (JNIMS). Kawei pat ka dei kaba 76 snem ka rta bad u khun jongka, uba 48 snem bad kitei ki don mynta ha ka jingshah sumar ha Covid Care Centre of Regional Institute of Medical Sciences (RIMS). Sa kawei pat kaba ioh pang, ka dei kaba wan phai na Chennai, da ka rel bad katei ka don ha ka jingshah sumar ha JNIMS.