Sam khaw sha 150 ki long iing ha Barato A

Shillong: Ki khun jong ka Barato-A, ki la ioh jingiarap da ki marbam mynta ka sngi, na kawei ka seng kata ka long ka NRE Pageant India Pvt.Ltd, hapoh ka jingialam jong ka National Director jong ka, ka kong Eldorabetsy Lyngdoh bad U President Mr. Ransom Sutnga. Ia kine ki tiar la wan sam da ki Member jong ka.

Ha kane ka sngi, ki khun ka Dong kiba ioh jingiarap ki poi sha ka 150 tylli ki long iing kiba duk.

Na ka liang jong ka Office Barato-A, ki sngewnguh shi katdei eh ia kane ka seng khamtam ia ka National Director ba lyngba jong ka, ki la ioh ka jingkyrkhu kaba khraw ha kum kane ka por jynjar ba dong ka pakhang shnong, ong ka kyrwoh la phah da ma Sarlangki Dkhar-Secretary Dong Barato-A.