Ki kyndon kit dewiong WJH

Jowai, 17 Nailur:
Ki mat kiba kong san na ka bynta ka jingtip kito kiba ia dei bad ka kam dewiong hapoh West Jaintia Hills District, ki long ba Ia ka khajna u dewiong ba la dep thew dei ban leit siew ha ka ophis u Divisional Officer, Jowai hapoh ki 14 (khadsaw) sngi ha ki sngi long trei kata naduh ka 15 tarik u nailur 2014. Kawei ka permit ka trok ka lah ban kit tang 9 (khyndai) ton u dewiong. Kawei ka permit ka dei ban don 3 (lai) tylli ki shalan – shi kopi ha ophis ka DMR, shi kopi ha Garampani ne Dawki gate bad shi kopi ha u Nongkit (truck) ne Nongthied. Tang haduh 9 (khyndai) ton yn shah ban kit da ka trok kaba 2 (ar) axle; kawei pa kawei ka trok kin hap tah u lain ha baroh lai dong ka bodi. Tang ki trok ki ban kit ia u dewiong NGT ki dei ban leit tah ia u lain ha 7th Mile shuwa ban sdang ka jingkit dewiong. Kano kano ka trok ka kit palat 9 (khyndai) ton u dewiong, kin shah pynshitom kat kum ka section 194 jong ka Motor Vehicle Act bad ia uba tam yn pynhap noh. Baroh ki trok kit dewiong ki dei ban don ki kot ki sla kiba biang kum ka Registration Certificate, ka Fitness Certificate, Ka Insurance Certificate, ka road permit na ka State Transport Authority bad ka lisen u Driver. Shuh shuh ka trok ka dei ban don ka shalan jong ka DMR bad ka permit (P-phorm) jong ka Tax. Ka trok ka dei ban da thoh-COAL TRASPORTED UNDER NGT ORDER- bad hap tah napoh ka iit. Katrok ka dei ban da tap da ka tarpolin ha ka por ba dang kit dewiong. Kan don ka jingiashek lang ia u dewiong ba kit ha Garampani bad Dawki da ki nongtrei ka DMR bad Taxation Gate. Tang ha ki surok harum lah ban kit ia u dewiong, kita ki long: Ka National Highway 44 (Jowai lyngba Shillong Bey-pass sha Guahati), National Highway 44E (Jowai Dawki Road) bad Shangpung – Garampani Road.