Shillong: Ka Khasi Student Union ka South East Khasi Hills District myn hynnin ka sngi ka la ioh ban kem ia ki trok dumper ha Sohra Rim ka ba kit ia ki nongtrei bylla jong ka Dhar ki ba thmu ban leit phai noh sha la ki jong ki shnong.
Na ka liang u Bah Reebok Diengdoh President jong ka KSU South East Khasi Hills District u la iathuh ba haba ka seng ka la ioh ban bat ia ki ne ki nongbylla ka la pyntip sha u OC bad u SDPO jong ka Sohra.
Bad na ka liang u OC bad u SDPO ki la wan hiar marmar sha kane ka jaka ban tohkit ia kine ki nongbylla. Ha kane ka jingtohkit la shem ba ki dei ki nongtrei jong ki Dhar bad kil a ioh ia ka pass ba kin leit ban phai sha la ki shnong bad ki kali ban kit, ki ioh ia ka pass jong ka Jaintia Hills District.
Na ka liang jong ka KSU ka la pyllait ia kine ki ba trei bylla ba kin leit phai noh sha la ki jong ki shnong da ka ba kyntu ba ki ba la leit phai kim dei shuh ban wan phai biang sha kane ka jylla.
Na ka liang ka KSU ka la bud ia ka jingkylli ba balei kine ki briew shuwa ba kin leit phai ki khlem pyntip sha ki bor pulit bad sha u SDO jong ka Sohra Civil Sub Division ha kaba ka sorkar ka dei ban leit buh ia ki ha ka rukom kaba biang balei ban shu kit ha ki trok.
Na ka liang jong ka KSU kala kyntu ia ki bor pulit jong ka Sohra Civil Sub Division ba ia kine kiba la leit phai kim dei shuh ban dang shah ban wan phai ha kane ka por ba mynta bad kala kyntu ba ki pulit ki dei ban da peit bha ia ki kali ba rung ba mih.
Phi don ban ong eiei?