Yn bteng biang ka pakhang shnong, hadien ka 17tarik, ong U Modi

U Narendra Modi, myntri rangbahduh ka India, ula pynbna ba ka jing pakhang shnong, kan bteng biang hadien ka 17tarik Jymmang 2020, tangba ula kren shai ba kane ka pakhang shnong ba thymmai, kan dei kaba pher na kiba la pynlong ha ki lai sien ba ladep.

Haba kren sha u paidlang ka Ri, lyngba ka prokram telebishon mynta ka miet, U Modi, u iathuh ba ka pakhang shnong, kan dang iai bteng shuh shuh.

“Ka pakhang shnong kaba saw, kan long kaba pher lem bad ki ain kiba thymmai” ong U Modi.

U Myntri rangbahduh, ula pynsngew ba ka sorkar India, kan shim ia ki jingai jingmut jong ki myntri rangbah, kumba la iakren ha ka Lah Sngi U Blei, na bynta ka pakhang shnong 4.0.

U Modi, u iathuh ba ia ki kyndon, yn sa pynbna ha shwa ka 18tarik Jymmang, da kaba shim ruh ia ki jingai jingmut jong ki sorkar Jylla.

Ha ka jingkren jongu, U Modi, ula pynbna ruh ia ka jingtheh pisa kaba T.20lak klur, kaba long 10 percent na ka GDP jong ka India.

Kane ka pakhang shnong, kaba mynta, kan kut ha ka 17tarik Jymmang 2020.