Ym iahap u CEM, ia U Bah John

Shillong,16 Nailur:
U CEM ka KHA DC u bah Ardent Miller Basaiawmoit, ula pyn paw ia ka jingbym sngewiahap halor ka jingai jingmut u bah John F Kharshing, u Chairman ki Khlieh Nongsynshar. U bah John u la ai jingmut ba kan bha lada don da ka EC jong baroh ki Party khnang ban lait na ki jingpynkylla EC kiba na ka por sha ka por ha District Council. Halor katei ka jingai jingmut u bah john u bah Ardent u la ong ba katei ka jingai jingmut ka dei tang ka jingkwah rhah ban ioh bynta lem ia ki bhah liang synshar hapoh KHADC.
U la kdew ruh ba katei ka jingai jingmut ba lada don da kata ka EC jong baroh ki Party ka long kumba la ia pyndem ne ka jingbeit hapdeng ki seng riewlum bad ki National party. U la ong ba ki seng riewlum ki don la ka jong ka jylli pyrkhat katba ki seng heh paid ruh ki don la ka jong ka jingpyrkhat bad ka jingthmu treikam jong ki. U la ong biang ba ha ka Synshar paidbah lada kam don ka liang pyrshah ka jingiatai na bynta kano kano ka kam- kam long shuh kaba shongnia bad kaba skhem jingmut.