Ka Trump death Clock ha Times Square

Ka jingiap briew ha United States, ka la poi sha ka 830 ngut ha ki 24 kynta ba ladep bad baroh kiba iap ha katei ka Ri, ki la poi sha ka 80,352.

Ka jingiap ha ki 24 kynta ba ladep, ka tam na kaba iap ha ka Sngi U Blei, kaba long 776 ngut bad kaba dei ka jingiap kaba duna tam, naduh U Lber 2020.

Ka jingdon kiba ioh pang ha US, haduh mynta ka poi sha ka 1,346,723 ngut, ong ka skul na Baltimore.

Ka jing ioh pang corona ha satlak ka pyrthei, ka la poi sha ka 4,174,651 bad kiba iap ki la poi sha ka 285,945 ngut, ong ka John Hopkins University.
Ha kawei pat ka khubor, la iathuh ba la pynieng ia ka jingthoh ha Times Square, New York, kaba thoh ‘Trump Death Clock’, kaba iathuh shaphang ka jingiap ei ki mynsiem briew, na ka jingpang coronavirus, ha kaba la kynnoh ruh ba kane ka dei ka jing bym kitkhlieh jong ka sorkar ia u paidlang ka Ri.