Babu Kular Khongjirem
Naduh ki por mynshwa,ka jingiabeh ia ki mrad khaw kum u khla,ka dngiem,ki shrieh,etc ka ju don beit ha ki nongkyndong. Don kiba beh da ka raid ne bor shnong kum ha ka beh Khla ki Nongtalang bad ka beh Dngiem ki nong Wahkhen.
Ka daw kalong ba mynshwa bun kiba dang rep krai,sohriew,u phan, ka shriew bad kiwei kiwei ki jait jingthung ba pyn kdang bad ai jingim ia ki nongrep. Ka jingrep jong ki briew ia kine ki jingthung sha khlaw bad jaka ba kham jngai na shnong kam don jingmyntoi ei ei ruh lada kim lah ban iada na ki mrad khlaw kum ka dngiem,u shrieh kiba long ki nongtuh,ki nongpynjot bad nongpynjulor ia ka rep ka riang ki nongrep bapli.
Shisien ba la wan ka dngiem ne ki shrieh,baroh kawei ka lyngka rep ka la julor lut bad lehnoh ei ka jingtrei shitom jongki nongrep baroh shi snem namar ba kim ioh ei ei shuh.Na kata ka daw,ki ju thaw lad thaw lynti kumno ban pyntieng ia ki.Don kiba shna bad tied da ka kdor,don pat kiba shna da ka kynram sawdong ka lyngkha,bad don ruh kiba riam khnang ba kin ngat.Lada ki ngat, tang uwei-ar ruh,kata ki la ia tieng bad sma ban wan tuh. U khla pat ki ju siat ia u namar u bam lut ia ki jingri jingdup kum ki masi,ki blang,ki sniang ki syiar.
Wat ia u ksew ruh u khla heh u dang pyniap bad rah thik thik.U khla,ka dngiem kim salia ban pyniap wat ia u briew ruh lada ki pyndom ne pynbitar ia ki. Ha kine ki por pat,ka sorkar ka khang bad set phatok ia ki nongsiat ne nongpyniap ia ka dngiem,u khla,u myrsiang ne suri kiba long ki nongtuh bad nongpynjot ia ka rep ka riang bad ki jingri jingdup ki nongkyndong.
Ha ka jingshisha, ka sorkar ka dei ban pynshitom ia ki nongsiat mrad tang na kito ki khlaw ba la mana da ka sorkar kum ha ki national park/biosphere reserve/wife life sanctuary/reserve forests,ne protected forests,etc.Hynrei, ha ki lawbah lawsan,ki unclass forest,ki khlaw ka pyrthei ka mariang kim da dei than ban pynshitom ne shim khia hynrei shu sneng shu kraw ne ai jingpynshai(awareness program) shwa ia ki khnang ba kin tip ne sngewthuh namar u Blei u la buh ka hok bad ka Hukum ia u khun bynriew ba u dei ban iada bad pyniap ia kino kino ki mrad khlaw kiba long ki nongshun bad nongpynjot nong pynduh ia ka rep ka riang jongu.Hap husiar bha ba ioh ka jingleh jingbriew hateng ha teng kalong pynban pyrshah ia ka Hukum Blei ruh.Haba na khlaw ba peit ka sorkar(sanctuary/national park/biosphere reserve,etc), ka sorkar kam lah satia ban iada ia ki nongsiat mrad bad ki dangioh pyniap tuh hi kawei-ar,kumno kin wan tuklar sa sha ki lawbah lawsan jong ka pyrthei ka mariang? Phi ju pyrkhat ba, katno lak tylli ki jingri ki jingdup baroh ba ki briew ki ju pyniap ban bam doh ha ka shi sngi?Ki syiar,ki sniang ki masi,ki blang,etc kim dei ki mrad?Hato,ka sorkar ka lah ban estimate ia ka jingbun ki dngiem khlaw sha kylleng ki nongkyndong? Haba ki bun palat,ba ki wan pynjot ia ki jingthung jingtep ki nongrep,hato ka sorkar ka ju pyrkhat lem shaphang kata? Lada ka sorkar ka sngewthuh shisha ban pynneh pynsah bad iada ia ki mrad khlaw ba wan pynjot ia ka rep ka riang jong ki nongrep sha nongkyndong,kadei ban ai shipai iada(security personel) ia man la uwei pa wei u nongrep sohriew,nongrep krai nongrep phan,nongrep shriew ne nongri ngap etc. sha ki nongkyndong khnang ba kin long ki nongiada ia ka dngiem khlaw ne shrieh khlaw ba kin lait na ki jingwan pynduh ne pynjot jongki ia ki jingthung jingtep ba kordor ki nongrep.
Lada ka sorkar(wife life Dept) kam lah pat ban phah nongiada(security) sha ki lyngkha ki risai ki nongrep,ka sorkar ka dei ban siew bai lut(compensation) ia ka dor jong ka jingpynjot ne jingpynduh jong kine ki mrad khlaw man la ka snem.Tang shisien wan pynjot ka dngiem,ki shrieh ia u krai ne sohriew ki ong,ka jingduh kalong ym duna ia ka 20,000/(arphew hajar)tyngka shi miet bad lada ki wan bun miet,da ki lak ki nongrep kin duhnong na ka rep ka riang jongki.Ia ka Wife life protection Act 1972 dei ban amend noh lym kumta kan long pynban ka jingtim hakhmat u briew u Blei ha ka jaka ba kan long ka jingkyrkhu khamtam ia ki nongrep bapli kiba long ki riew hok ki riew Blei,ki riew shi sur ki riew shi dur sha nongkyndong.Ki bor sorkar kidei ban pyrkhat khia bha ia kane ioh shah tim pynban ha u Blei ia ka jingleh bein leh khoh ia ki riew hok riew Blei.Ka bainong ia nonglehbein kan long pynban palat ia ka jingshitom kiba pang cancer ne ka jingpang khyllah Covid-19.
Phin nym sngewthuh satia wat la phi long ramhah ne khraw ka spah ka hajar ruh phin nym shan satia, hynrei phin pra ki thied ki jaw bad phin kylla lieng syndon thiaw sha ka jing kordit khait namar ka treikam suki suki na ki bor ba maian na sha lyndet jongngi.Hap ia husiar bha ho! ban shu leh bein ia kiwei ioh trei ne dait ka hok kiwei kiba shah lehbein ba ioh suki suki ngin nym lah shuh ban khie khlieh hadien habud.
Kaba dei!!!