Yn plie iew ba shipor ha Mawiong bad ha Sadew, rai ka sorkar Jylla

Shillong: U symbud myntri rang bah ka jylla u Bah Prestone Tynsong, u la kyntu ia ki nongkhaii jhur, ba kin kiar shuwa, ka jingwan rah jhur na ka Jylla Assam bad ban ialeh ban pyniaid iew ia ki mar rep kiba mih na jylla.

Haba iakren bad ki lad pathai khubor, u la ong ba kum shi bynta ban ai lad ia ki nongrep jong ka jylla ban pyniaid iew ia ki mar rep jong ki, ka sorkar jylla mynta ka sngi ka la rai ban shah ban pynlong iew ba shipor ha ki katto katne ki jaka kiba hap ha Shillong bad ha ki jaka ba khapsor. Kine ki jaka ki ba ka sorkar ka la jied ban pynlong ia ki iew dielang na ka bynta ki ba wan na Bhoi kan long ha Mawiong MECOFED kudam, Mawiongrim ISBT, ka iew dielang jong ki nongrep ha ka Umdiengpun Football Ground kaba hap ha ka Shnong Sadew bad kane ka iew dielang ka long na ka bynta ki nongrep ka thain Mawphlang, Sohiong, Mawkriah, Nongkynrih,Pynursla, Laitlyngkot. La shah ruh ban pynlong ia ki iew ban die ia ki jhur ki soh ha SRGT Parking lot Polo, 2 Ground Polo bad ka Gulf Club.

Na ka bynta ki nongdie kwai, tympew bad u ktung kin pynlong iew ha Mawlong hat parking lot, kata ha Ground Floor,First FloorTop Floor,ka Ground Floor bad First Floor jong ka Rapsang Market bad ka Anjali Parking lot la shah ban die ruh ia ki mar rep.Katba ia ka ka Khliehiew parking lot la shah ban die lang ia ka dohkha bad ka pylleng.