Wat ju plie ia ki jingsong kiba wan na bar, hapoh 72 kynta, ong ki stad ka UK

Lada phi ioh ia ki jingsong kiba wan rah na shabar, ym juh dei ban plie hapoh ka 72 kynta. Ia katei ka phang, la pynsngew sha ki paidbah jong ka Ri British, na ka bynta ban iada na ka jing ia bit jong ka khniang jingpang Covid-19.

Ki stad wad bniah na ki University jong ka Bath, Bristol bad Southampton, ki kyrmen ba katei ka jingleh, kan iada na shibun ki jait jingpang bapher. Katei ka jingbatai, la iathuh ba kan iada na ka jing ia ktah ia kitei ki tiar, kiba lah ban don jingpang bad kiba lah ban ia bit na u ne kiba wan rah ia kitei ki tiar ha iing.