Ki nongkitkam ka KSU Mawryngkneng

Mawryngkneng,
15 Nailur:
Ha ka 13 tarik u nailur ka KSU Maw ryngkneng Circle ka la ioh ban jied bad pyn skhem ia ki nongkitkam ba thymmai jong ka na bynta ka samoi treikam jong u snem 2014-2016 ha ka jingialang ba la pynlong hapoh ophis jong ka Mawryngkneng Cultural & Sports Club, Mawryngkneng.
Ha kane ka jingia jied nongkitkam la wan ban iashim bynta na ki dkhot jong ki unit bapher bapher hapoh ka Circle bad ia ki nong kitkam bathymmai jong ka Mawryngkneng Circle la pynskhem da u nongialam rangba hduh jong ka KSU sengkmie u samla Daniel Khyr iem. Ha ka jingkren jong u Samal Daniel Khyriem u la ong ‘ ba ka KSU kam don por ban pynsngap ia ki kynthoh pyrshah ia ka seng lane kam pynhun iano iano hynrei ka nongrim jong ka seng long ban iakhih na bynta ka daw bah jong ka jaidbynriew “U la kyntu ruh ia ki dkhot jong ka KSU Mawryngkneng Cirlce ban pyndonkam ia ka seng na bynta ki jingdonkam jong ka shnong ka thaw, ka imlang sahlang bad ka ri bad ka jaidbynriew ym na ka bynta ka jingmyntoi ialadei ne shimet”.
Kiwei pat kiba ki la ai jingkren ha kane ka sngi ki long u Samla Auguster Jyrwa, General Secretary , Joe Joplin Marbaniang, Environmental Secretary ,Lambokstar Marngar, Finance jong ka sengkmie bad u bah J.O.Lawai uba dei u Secretary barim jong ka KSU Maw ryng kneng Circle.
Ia ka jingialang la pyniaid da u bah Wanlambok Kharsati uba dei u president barim jong ka Mawryngkneng Circle bad uba long ruh u secretary jong ka Dorbar shnong Mawryng kneng.Ki nongkitkam kiba la shah jied thymmai ki long President-Really S Nongspung V-President- Roshan War General Secretary- Shining Kharbihkhiew, Asst gs- Arbiang kam Kharsohrmat.