2080 ngut ki briew ba sah shabar, ki la wan poi ha ka jylla

Shillong:U symbud myntri rangbah ka jylla u bah Prestone Tynsong, myn hynnin ka sngi u la pyntip ba 2080 ngut ki briew kiba sah hapoh ki jylla bapher bapher jong ki thain shatei Lammihngi ki ba la wan phai sha la ka jong ka jylla mynta ka sngi.

U symbud myntri rang bah u la iathuh ba haduh ka sngi u Blei u ban wan ka jylla kan pyndep ban pdiang lut ia ki ba sah ha ki thain shatei lammihngi ba kin wan phai sha ka jylla.

Naduh ka 4 tarik u Jymmang ka jylla ka la pdiang ia ki briew ki ba sah ha ki jaka ba pher ba pher jong ki thain shatei lammihngi haka ba 1680 ngut na ki 3000 ngut na ki ba la dep register ia lade ki la wan poi mynnin ka sngi sha ka jylla bad haduh mynta ka sngi 2080 ngut ki briew ki la wan poi ha ka jylla.
U bah Tynsong u la iathuh ba kine kiba wan phai sha la ka jong ka jylla baroh ki dei ban da bud pyrkhing ia ka jingbthah jong ka tnad ka koit ka khiah.