Dang pyrshang ka NEIGRHIMS, ban pynpoi dawai lyngba ki drone

Shillong:U Director ka hospital NEIGRHIMS U D.M Thappa, mynta ka sngi u la iathuh ba ka hospital North Eastern Indira Gandhi Regional Institute of Health and Medical Sciences ‘NEIGRHIMS’ ka dang wad ki lad lynti kumno ban pynpoi dawai sha ki paidbah ba sah sha ki jaka bym lait kali daka ba pyndonkam iaki ‘Drones’.

U D.M Thappa u la ong ba ka hospital NEIGRHIMS, ka dang iakren bad ka sorkar Meghalaya bad ka North East Space Application Centre (NESAC) lem bad ka North Eastern Council (NEC) naka bynta ban bei Pisa iaka projek ban pynpoi dawai sha ki paidbah.

“Kum shi bynta ban shakri iaki paidbah ban pynpoi dawai sha kiba sah haki jaka bym lait kali, ka NEIGRHIMS shen kan sa sdang noh ban pyndonkam daki ‘Drones’ ban pynpoi dawai’ la bynrap u D.M Thappa.
U D.M Thappa u la ong ruh ba ka NEIGRHIMS kan pynpoi iaki dawai ki lyngba ki ‘Drones’ wat shaduh Tura naka bynta ban shakri hok iaki paidbah.