“Ka Por ia kiei kiei baroh”

AIS SUJA

Ki don ki por ia kiei kiei baroh. Ka por ban kha ka por ban iap bad ka por ban thung ka por ban rat noh, ka por ban pyniap bad ka por ban pynkhiah ia kaba la thung, ka por ba pynpra bad ka por ban tei pat. Ka por ban iam ka por ban rkhie, ka por ban sngew sih ka por ban shad, ka por ban bret ia ki maw ka por ba lumlang pat ia ki maw, ka por ban piam ka por ban ym piam ka por ban wad ka por ban jah noh, ka por ban ri ka por ban bred noh, ka por ban kad ka por ban suh, ka por ban sngapjar ka por ban kren, ka por ban ieit ka por ban isih, ka por ialeh thma ka por iasuk. Eklesiastis 3:1-8.

Hangne ngi iohi ka ktien u Blei ka kren shaphang ki por baroh. Bad kine ki por kidon ha ka jingtip bad jingpyniaid jong u Blei namar u Blei u bat ia ki por bad ki por kidei ki jongu Blei. Hapoh kine kipor, u briew umlah ban pynduna ne pyntam thik kumba u Blei u la buh ki dei ban jia bad ki jia hapoh ka por bad ka jingtip jong u Blei.

Kaei kaei ba u Blei u leh ka neh bymjukut. Ymlah ban pyllang eiei haka (Addition) bad ymlah ban shim noh eiei na ka (substraction). U Blei u leh ia kine kiei kiei ba ki briew kin tieng ha khmat jong u. Eklesiastis 3: 14-15.
U Blei u la leh ia kiei kiei, u la pynjia ia kiei kiei kiba ha kane ka pyrthei. Kiei kiei kim lah ban jia khlem ka jingtip jong u.
Ka pyrthei mynta baroh kawei (globally) kadon hapoh kipor ki jingtynjuh ba khraw na kane ka khlam (Pandemic, coronavirus). Ka pyrthei mynta kadon hapoh kata ka por duh jingkyrmen, jingsheptieng bad kutlad. Ka pyrthei mynta kadon haka jingkynjah bakhraw namar la lockdown nakadaw kane ka khlam kaba shim da ki lak ngut ki mynsiem briew na kane ka pyrthei. Ki samla kidon hapdeng ki jinglynga bajur bad jingkutlad bad bunsien ki lalong kum kiba biej namar ka la ktah ia ki jingmut jingpyrkhat jong ki. Ki rangbah ki don hapdeng ki jingsheptieng. Da kaba burom, ki riewstad ki lyngngoh bym pat lap ia ki dawai pynkhiah, ki nongsynshar ki bunkam, ki police ki doctor ki nurse ki bunkam kat haduh ba ki hap ban pha la ka jingim naka daw ban pyllait ia kiba bun na kane ka khlam ha sawdong pyrthei.
Ki ba khrawbor ki duh bor noh, kiba riewspah ki sheptieng ia ka spah jong ki u riewstad u la lyngngoh. Balei kane ka jia hato ka jia khlem ka jingtip u Blei sha phang kaba kum kane ka por? Em. Kine ki jingjia ki don hapoh kapor u Blei ia kaba u Briew um lah ban pynbeit ne pynkdor ia ka por kaba u Blei ula buh banjia. Eklesiatis 7:13
Ka ktien u Blei ka ong – “u Blei u la leh iakane la ki briew kin tieng ne em hakhmat jong u. Eklesiastis 3:14. Ka daw ba kajia dei namar ba u Blei ba u iohi bun ki briew haka pyrthei kim tieng kim pyrkhat shuh shaphang jongu, ki briew ki sngew ba kane ka pyrthei ka dei ka jongki. “kim sngewthuh ba la thaw ia kane ka pyrthei ban shong u Briew”. U Blei u ong – Nga la pyllong ia ka khyndew, Nga la thaw ruh ia u briew halor jong ka”. Isaiah 15:12. U Blei um shym lathaw suda iaka pyrthei hynrei ban shong briew. Hynrei ki briew ha pyrthei kim ithuh ia u. Nakata kadaw ki wanmih kine kipor kiba kum kine ki jingtynjuh ba khraw ba mehding khnang ba ki briew kin sheptieng ha khmat uta uba donbor, U Blei kein.
Ka lad kaba khraw kalong satang ban pynrit ialade ban duwai kyrpad ha u Blei, namar ula kren shai u ong- “Lada ki briew jong nga, ki ba la khot da ka kyrteng jong nga KIN PYNRIT ialade, KIN DUWAI, kin wad iaka khmat jong nga, KIN PHAI NA KI LYNTI BYMMAN, te ngan sngew na Bneng- Ngan map iaki pop jongki ngan pynkhiah ruh iaka Ri jong ki. 2Khronikl 7:14.
Ymdon dakawei pat kalad hapoh kaba kum kane ka por, namar ba u Blei u la buh ia ki por bad ka por kaba kum kane ba kan jia ha pyrthei. Pan na U Blei sa shisien pat ia ki por kiba mynshwa ba un pynsangeh shi syndon iakane ka khlam kaba mynta ha pyrthei, da kaba pynrit ha khmat jong u, ong ka ktien U Blei.
Namar ymdon ka jingpyllait/ jingpynim hano hano ha u wei pat; naba ymdon kawei pat ka kyrteng ha bneng, ia kaba laai hapdeng ki briew da kaba dei ba yn pynim ia ngi (laitnoh haka kyrteng Jisu). Ki kam kiApostol 4:12.
Kumta kan don ruh ka por ba u Blei un pyllait noh ia ngi na kane ka khlam ha ka por ba u labuh.