Shillong: Ka hukum na ka ophis treikam Deputy Commissioner (DC) ka East Khasi Hills (EKH) la pynbna ba ki dukan dielang na ka bynta ki marbam, yn shah ban plie haka 8, 9 bad 10 tarik jymmang 2020 kum shi bynta ban ailad iaki trai dukan ban thied iaki marbam ban ioh die sha ki paidbah hala ki shnong ki thaw.
Ka hukum ka la kdew ruh ba tang ki dukan dielang bala iathuh daki bor district kin shah ban plie ha ki tarik ba la pynbeit bad ha ka por 9 baje mynstep haduh 4 baje janmiet.
Ka hukum kala shah ruh iaki dukan dielang kiba don bad kiba la ithuh daki bor district hapoh Civil SubDivisions and C&,RD Blocks ka East Khasi Hills. Ka hukum ka la kyntu ruh iaki trai dukan bad iaki ba wan thied mar ba kin bud ryntih ia ki kyndon ka tnat ka koit ka khiah ka jylla.
Phi don ban ong eiei?