Shillong: U myntri kam poh ing ka jylla u Ma Lakmen Rymbui mynta ka sngi u la iathuh ba ba sorkar Meghalaya ka la ioh ban dain kuna haduh 9,48,400 tyngka naki paidbah ba pynkhein ia ka jing pakhang shnong lane ka ‘Lockdown’ hapoh ka jylla.
“Kila don haduh 1098 tylli ki jing pynkhein, 46 tylli ki kali bad haduh 255 ngut ki la shah kem hadien ba la lap baki la pynkhein iaka ‘lockdown’ ba la pynbna ka sorkar India naduh u bnai lber 2020 haduh 4 tatik jymmang 2020” la bynrap u Ma Lakmen Rymbui.
U Ma Lakmen Rymbui, u la ong ruh ba ki bor pulit kila ai ejahar pyrshah ia kumba 85 ngut ki paidbah naka kylleng sawdong ka jylla haki kyndon bapher bapher jong ka ain.
U myntri kam poh ing ka jylla u la ong ruh ba ki paidbah ka jylla ki dang don ka jing tip lem haka jing iatreilang bad ka sorkar ban burom iaka ‘lockdown’ namar ka dang duna bha ban lap iaki ba pynkhein iaki kyndon lane ki hukum bala pymih ka sorkar India ne sorkar Meghalaya.
“Ka la long kaba sngewtynnad ba ka duna bha ban lap ia ki ba pynkhein iaka ‘lockdown’ hapoh ka jylla naka bynta ban tehlakam iaka jing pang ‘corona virus’, bad nga kyntu ruh iaki paidbah ban bud ryntih ia ki hukum ka sorkar namar ka dei na ka bynta ka jing bha ia baroh ki nong shong shnong ka jylla hi” la ban u myntri kam poh ing ka jylla u Ma Lakmen Rymbui.
Phi don ban ong eiei?