Khlem ding ka shnong Umran

Shillong, 12 Nailur:
Ar tylli ki dong jong ka Shnong Umran Dairy ha Ri-Bhoi, ki shong dum namar u transformer u la sniew la palat shi bnai tam ei ei.
U president ka Federation of Khasi Jaintia & Garo People (FKJGP), Umran Dairy unit u Bah Lisingson Wardkhar u la ong ba ki ar tylli ki dong ka Umphria bad Warisan ki hap ban shong dum lynter mynta la palat ia ka shi bnai namar ka jing bym patiaw jong ka MeE CL ban moramot noh ia u transformer ba la duh noh bad ban buh bujli noh da uwei.
Ka seng ka kyrpad ia ki bor katei ka tnat ban leh ia kaba donkam, hynrei haduh mynta ka MeECL kam shym la wan khmih ne jngoh ei ei lane ban bujli thymmai ia utei u transformer, hynrei ki nongshong shnong ki hap ban thied da ki mombati bad ki sharak ban pyndonkam na ka bynta ka jingshai ha ki por mynmiet katba ka bording elektrik kam pat lah ban wan ha ki dong ba ki shong.