Ka jingbthah na U DC, ia ki draibar Local Taxi ba kamai ha Jowai

Jowai:U Deputy Commissioner ka West Jaintia Hills u la pyntip paidbah ha kaba iadei bad ka jingpynbeit ia ki kali local taxi ki ban kamai ha Jowai hadien ba la pyn jynsur malu mala ia ka pakhang shnong (lockdown) ha ka District da kaba ailad tang 25 percent ki kali ban kamai man la ka sngi.

U Deputy Commissioner u la pyntip ba baroh ki local taxi kiba la ioh Pass kin kamai katkum kine ki sngi bad ki Nombor ba la buh beit buh ryntih.
Ha ka sngi Nyng kong, ki local taxi MLO4ABCD tang kito kiba kut da ki Nombor ‘0’ bad ‘1’. Ha ka sngi ba-ar baroh ki Taxi ML04 ABCD tang kito kiba kut ha ki Nombor ‘2’ bad ‘3’. Ha ka sngi Balang tang kito kiba kut ha u Nombor ‘4’ bad ‘5’. Ha ka sngi Palei tang kito kiba don ia ki nombor ba kut ha u ‘6’ bad ‘7’, ha ka sngi Thoh dieng tang kito ki local kiba don ia u Nombor ba kut ha u ‘8’ bad ‘9’.

Ha ka sngi Saitjain pat la ai lad tang ia kito ki local bym dei MLO4ABCD ban kamai.
Na ka liang u DC u la pyntip ruh ba ka por ban kamai kan long naduh ka por hynriew baje mynstep haduh 6 baje mynmiet.
Ki driver ki hap ban buh ia ki kyndon jong ka sorkar bad ka tnad jong ka koit ka khiah kiba kynthup ia ka Social Distancing, phong mask, sait kti khah khah da ka sabon.