Lyngba ka DC, noh synniang ka Balang Presbyterain sha ka CM Relief Fund

Nongpoh: Myn hynnin ka sngi ki Nongialam ka Balang Presbyterian Nongjri Umsning, kaba kynthup naduh ki Tymmen Basan bad ki Rangbah Balang, ki la leit ban noh synniang T. 35 hajar CM Relief Fund, kata da kaba ki leit ban aiti lyngba ka Kong RM Kurbah, Deputy Comissioner ka Ri Bhoi District.

Ia katei ka jingleit noh synniang ki nong ialam ka Balang Nongjri, la synranlang da u Bah Charles Marngar, MDC ka Mawhati, lem bad kiwei ki riew rangbah.

Kitei ki nongialam Balang Presbyterian Nongjri, ki la ong ba ka nongrim kaba la pynlong ia ki ban leit noh synniang sha katei ka CM Relief Fund, ka long kum shibynta ban iarap lem ia ka sorkar, khnang ba ka sorkar kan ioh pat ban iarap ia kito ki briew kiba duk bad kiba donkam shisha ban ioh ia ka jingiarap.