La sngi Hatmajai yn leit peit pung Umiam ka FFT

Shillong, 12 Nailur:
Ka Fact Finding Team (FTT) kaba thaw da ki MLA ka liangpyrshah ha ka jylla kan leit ban peit ia ka pung Umiam ha kane ka sngi Hatmajai ban wan ban peit ia ka jinglong jingman ka Umiam Hydroelectric Project.
U chairman ka FFT u Bah Jemino Mawthoh u la iathuh ba kane ka jingleit kan long kaba donkam bha ia ka pung Umiam kaba bsa bording ia ka jylla. “Ngin leit jngoh ia ka Umiam projek ha kane ka sngi Hatmajai ban wan”, la iathuh u Bah Mawthoh ha kane ka sngi Thohdieng.
U Bah Mawthoh u la ong ba kane kan dei ka projek kaba khadduh ba ka FFT kan leit jngoh ban peit ia ka jingtreikam bad ka jinglong jingman jongka.
Katkum ka jingong u Bah Mawthoh, ki dkhot ka FFT kin pynlong ia ka jingiashong jingialang bad ki heh ka MeCEL hadien ba ki la dep jngoh ia katei ka pung bad kin s alum sa lang ban thaw ia ka kaiphod ban aiti sha ka sorkar jylla.
“Baroh ki dkhot jong ka FTT ki sngew kmen ia ka jingtreikam ka komiti. Ngi kyrmen ba ngin lah ban sei ia ka kaiphod ban ai jingmut sha ka sorkar na ka bynta ban pynbha ia ka jingpynmih bording ha ka jylla”, la ong u chairman FFT.
Shwa ia kane, u Bah Mawthoh u la pynpaw ia ka jingsngew hun ia ka jingpyntreikam ia ka Umtrew Hydro Electricity Project (NUHEP) ha Ri-bhoi district.
“Ngi la sngew hun ia ka rukom pyntreikam ia ka Umtrew projek. Ngi la iohi ia ka jingtrei shitom ki ophisar bad ki enjiniar ka MeECL ban pyndep ia kane ka projek kloi”, la ong u Bah Mawthoh.
Ka FTT ka la dep jurip ia ka Myntdu-Leshka Hydro Electric Project (MLHEP) kham mynshwa.
Haduh mynta, na ka liang u Bah Mawthoh u la ong ba ym pat kwah ban ong eiei namar ba dang iaid ha ka jingleit jurip.