Shah kem 3 ki ehrang

Shillong,12 Nailur:
Ki shipai BSF kiba don ha West Garo Hills district ha BOP Chandaboi, ki la ioh kem ia uwei u dkhot ka UALA uba la titp kyr teng kum u Lenush Marak,35 snem uba dei na ka shnong Dajibat ma, bad ki la ioh kem ruh ia uwei pat u dkhot jong ka AMEF uba la tip kyrteng kum u Alban Sangma, 30 snem karta uba dei na ka shnong Gopegere, ba roh ar tylli kitei ki shnong ki dei kiba hapoh ka Chokpot PS , South Garo Hills, la kem ia kitei ki ar ngut katba ki dang pyrshang ban rung rung shapoh u pud u sam ka Bangladesh na India. Ki shipai ki la ioh kurup 3 tylli ki mobile bad ar tylli ki SIM Card.
Ha kawei pat ka jingjia, ki shipai BSF kiba don ha South West Khasi Hills district ha BOP Barsora, ki la ioh ban kem ia uwei u nongkhaii dewiong uba la tip kyrteng kum u Jentil Marak 40 snem karta uba dei na ka shnong 04 Nos Basti, Barsora, kaba hap hapoh ka Barsora PS , South West Khasi Hills katba u dang pyrshang ban phet tuh na India sha Bangladesh.
Ki shipai ki la ioh kurup 50 kilo u dewiong , kawei ka mobile bad kawei ka sim card Bangladesh na u. Ia kitei baroh kiba la ioh kem bad ki mar ba la ioh kurup ki shipai ki la aiti sha ka tnad ba dei ban peit, ban leh ia kaba donkam katkum ka ain.