25 tylli ki Ambulance, ha ka dor T.4.5klur na ka Jylla Uttar Pradesh

Shillong:Ka sorkar Meghalaya lyngba ka ophis treikam u Joint Secretary naka tnat ka koit ka khiah kala pynshai ba ka sorkar kala thied 25 tylli ki kali kit nongpang lane ki Ambulance haka dor 4 klur 50 lak tyngka naka jylla Uttar Pradesh.

Ia kine ki kali kit nongpang la thied naka pisa jong ka ‘Minister’s Relief Fund for COVID-19′ kum shi bynta ban iakhun pyrshah ka jing pang ‘corona virus’ hapoh ka jylla.

Ka ophis na u Joint Secretary la batai ba ka sorkar ka thied iaki kali napoh ka jylla Uttar Pradesh namar ba ym don kali kum ha kane ka por ba don ka pakhang shnong lane ka ‘Lockdown’ ha baroh ka ri India. La iathuh ruh ba ia kine ki 25 tylli ki kali kit nongpang la thied napoh ka GVK/EMRI ka jylla Uttar Pradesh bad la wanrah beit iaki lyngba ka ‘108 Emergency Medical Transport Services, UP (East)’ ka jylla Uttar Pradesh.
Kine ki 25 tylli ki kali kit nongpang ki don ia ki ‘Registration numbers’ kum: UP32MN 7539, UP32MN 7541, P32MN 7543, UP32MN 7545, UP32MN 7546, UP32MN 7547, UP32MN 7548, UP32MN 7549, UP32MN 7550, UP32MN 7551, UP32MN 7552, UP32MN 7553, UP32MN 7554, UP32MN 7558, UP32MN 7559, UP32MN 7560, UP32MN 7561, UP32MN 7598, UP32MN 7601, UP32MN 7602, UP32MN 7605, UP32MN 7606, UP32MN 7608, UP32MN 7610 bad UP32MN 7613.
Ka kyrwoh naka ophis u Joint Secretary la batai ruh baki kali kit nong pang kidei kiba dang thymmai bad mano mano ruh ki lah ban eksamin ia ka ‘mileage’ jong ki kali ban pynthikna.