Khlad sa iwei naba bam tit ha shnong Lamin

Jowai: Mynta ka sngi ha ka por 3:30pm, sa kawei ka khynnah samla kaba la tip kyrteng kum ka Synran Khonglah, 16 snem ka rta ka la khlad noh ha NEIGRIMS Hospital na ka daw ba ka la shitom jur na ka jingbam tit khlaw ha ka shnong Lamin.

Kane ka samla kadei ka para jong u Katdidilia Khonglah uba la khlad noh ha kine ki sngi ba ladep na kajuh ka daw ba bam ia u tit khlaw.

Ia kane ka samla lud la wan kit ia ka mynhynin ka sngi na Jowai sha NEIGRIMS ha ryngkat ar ngut kiwei pat kiba kynthup ia u Armstrong Khonglah bad Lapynshai Khonglah. Uwei pat u khynnah 7 snem, u Dimah Gashnga u dang don hapoh ICU ha Woodland Hospital.

Ka jingjia bieij tit kala jia ha kane ka sngi Palei ba la dep hadien ba lai tylli ki longing ha ka shnong Lamin, Amlarem Sub-Division, West Jaintia Hills ki la bam ia u tit khlaw. 2 ngut ki la khlad ha ka sngi Palei bad sngi Thohdieng bad mynta ka sngi pat sa katei ka samla lud.