Nang pur u khniang coronavirus ha Assam, don jingiadei bad kiba wan lehniam Markaz

Guwahati: Sa arngut ki briew, kiba ioh jingpang coronavirus ha Assam bad mynta baroh kiba ioh jingpang, ki la poi sha ka 37ngut ha ka Jylla.

U Himanta Biswa Sarma, myntri ka koit ka khiah ka Assam, u iathuh ba kawei ka khynnah samla, kaba 16 snem ka rta, kaba na Salmara Bongaingaon bad katei ka dei kaba don jingiadei hi bad kito kiba leit sha ka jinglehniam Markaz.

Nangta u don shuh sa uwei uba na Goalpara, uba ioh ia katei ka jingpang bad utei ruh u don jingiadei hi bad ka lehniam Markaz.

Haduh mynta, ki don 37ngut kiba ioh ia katei ka jingpang bad 19 ngut kiba la jem noh na ka jingpang bad uwei uba iap.